AXUDAS PARA ALUMANDO CON NECESIDADES ESPECÍFICAS DE APOIO EDUCATIVO 2015/16

O Ministerio de Educación e Ciencia publicou no B.O.E. do 1 de agosto de 2015 a convocatoria de axudas para alumnado con necesidades de apoio educativo no curso 2015/16.

O prazo de solicitude é do 2 de agosto ao 30 de setembro de 2015.

No seguinte enlace coa web do Ministerio de Educación pódese realizar a solicitude mediante formulario online que deberá ser imprimido, cumprimentado e presentado no centro de estudos. Tamén se pode consultar toda a información sobre os requisitos necesarios para optar as axudas e a documentación que é necesario presentar: 
WEB MINISTERIO: INFORMACIÓN AXUDAS NECESIDADES APOIO EDUCATIVO

Documento da convocatoria oficial das axudas: TEXTO RESOLUCIÓN DAS AXUDAS NO B.O.E

FP: PROCESO DE ADMISIÓN E OFERTA DE CICLOS DE GRAO MEDIO E SUPERIOR / CURSO 201-16

 

    Na páxina WEB da Consellería de Educación (Formación Profesional) xa están publicados o calendario de admisión en FP como a oferta de ciclos formativos de formación profesional de grao medio e grao superior, tanto en réxime ordinario como en réxime de adultos e a distancia para o próximo curso 2015/16.

    Actualmente, a Formación Profesional pódese cursar por curso completo no réxime ordinario, na modalidade presencial - asistindo diariamente ao centro formativo - ou de xeito parcial por módulos formativos no réxime de persoas adultas, nas modalidades presencial e a distancia.

PROCESO DE ADMISIÓN FP 2015/16

    O prazo de admisión de solicitudes será: 
* Do 17 de xuño ao 2 de xullo de 2015 ata as 13 horas en período ordinario para quen cumpra os requisitos de acceso en xuño.
* Do 1 ao 11 de setembro de 2015 ata as 13 horas en período extraordinario.

    No seguinte enlace tedes todas as datas de admisión e de matrícula no caso de seren aceptados así como a normativa de admisión:

.- Calendario de admisión en FP 2015/16

.- Admisión en Ciclos FP Grao Medio

• Información e documentación de admisión 2015-2016

.- Admisión en Ciclos FP Grao Superior

• Información e documentación de admisión 2015-2016

.- Normativa de admisión - Regulación

OFERTA DE CICLOS DE FP EN GALICIA - 2015/16

   A continuación están os enlace a WEB da Consellería de Educación na que podes descargar ou consultar a oferta de ciclos de para o curso vindeiro: OFERTA CICLOS 2015/16

FOLLETOS INFORMATIVOS DOS CICLOS

    Neste enlace da Consellería tedes a descripción da cada Familia Profesional con folletos informativos individualizados de todos os Ciclos Formativos de grao medio e superior explicando: o que se aprende a facer, onde se realiza o traballo, en que posto de traballo, os módulos (materias) que compoñen o ciclo e as horas que teñen, o título que se obtén unha vez superado o ciclo e a que estudos se pode acceder.

   Para calquera dúbida ao respecto poñédeos en contacto co orientador.

RESUMO DATAS, INSTRUCIÓNS E CONSELLOS ACCESO Á UNIVERSIDADE 2015

    

    A continuación presentamos un resumo das datas máis importantes da selectividade (PAU) de xuño 2015 e do proceso de solicitude de admisión e matrícula nos graos das universidades galegas. Tamén  están recollidas as instrucións sobre a realización das probas e unha serie de consellos e recomendacións para a preparación e realización dos exames.

ACCESO Á UNIVERSIDADE

 É importante ter claro os diferentes procesos que deberemos realizar:

1.- En primeiro lugar está a matrícula e a realización da PAU (Proba de Acceso á Universidade), que é a selectividade propiamente dita,  necesaria para solicitar posteriormente praza e, una vez admitido o alumno/a, matricularse no grao ou titulación universitaria oficial solicitada do sistema universitario español.

CARTEL do calendario definitivo das PAU 2015

    
2.- Unha vez aprobada a selectividade, na convocatoria de xuño ou setembro, está o procedemento de admisión - preinscrición - nas titulacións con límite de prazas no sistema universitario de Galicia - que funciona como un distrito único - ou noutra universidade española. Os alumnos/as que soliciten a admisión nunha titulación poderán ser admitidos ou non en función da nota de corte requirida, que dependerá do número de prazas ofertadas e do número de estudantes que solicitan ese grao universitario.  
    
3.- En último lugar, se un estudante resulta admitido/a para unha titulación determinada nunha universidade galega, ou noutra universidade española, deberá matricularse nos prazos establecidos según o procedemento de matrícula estipulado na universidade correspondente.

ACCESO AOS  CICLOS SUPERIORES DE F.P.

   Outra posibilidade é matricularse nun grao de formación profesional.  Independientemente de que se realice ou non a proba de acceso a universidade o alumando que teña aprobado o bacharelato ten acceso directo aos Ciclos Superiores de Formación Profesional.
    Para cursar un ciclo superior tamén é necesario solicitar a admisión nas datas establecidas nos centros de secundaria en que impartan estas ensinanzas.   Neste proceso de admisión a obtención de praza ou non do ciclo desexado dependerá tamén do número de prazas que se oferten e do número de persoas que estean interesadas no ciclo.  Cando exista máis demanda nun ciclo determinado que prazas ofertadas establécense uns criterios de selección.
    No seguinte enlace da Consellería de educación tedes toda a información do proceso de admisión nos Ciclos Superiores de FP: Admisión ciclos formativos de grao superior de FP.
    Para completar a información sobre todo o referido a Formación Profesional podedes consultar neste blog en: Ciclos Formación Profesional.          

=======================================

    A continuación tedes o documento resumo coas datas máis importantes do proceso de selectividade de xuño 2015, e tamén sobre os procesos de admisión e matrícula nas titulacións do sistema universitario galego.  Tamén podedes encontrar unha serie de instuccións e consellos sobre a selectividade. Podedes descargar o documento completo no seguinte enlace: DATAS, INTRUCIÓNS E CONSELLOS SELECTIVIDADE 2015

SELECTIVIDADE XUÑO 2015 (Datas importantes) PROCEDEMENTO ADMISIÓN E MATRÍCULA S.U.G. (Sistema Universitario Galicia) 26-29 de maio: Prematrícula PAU na secretaría dos institutos. No IES do Castro adiántase a prematrícula ao luns 25 e martes 26 de maio de 9 a 13 horas. Entregarase a cada solicitante un resgardo de matrícula co código de acceso á aplicación NERTA e as instrucións sobre a aplicación. Na WEB do instituto tedes recollida a documentación que debedes entregar e as taxas a pagar para matricularse nas PAU. Previamente será necesario realizar o depósito do título de bacharel. Será necesario cubrir un impreso e abonar as taxas:  http://centros.edu.xunta.es/iesdocastro/?p=3643 1 de xuño: Publicación na CiUG, LERD e nos Centros de Secundaria das listaxes provisonais de matriculados por centro. É importante a comprobación persoal dos datos de matrícula por se é necesario facer reclamacións no caso dalgún erro. 10,11,12 de xuño: Realización das probas. O lugar para os alumnos/as do IES do Castro será na Escola de Enxeñaría das Telecomunicacións (Comisión Delegada 21) no campus universitario As Lagoas S/N – Marcosende de Vigo. O horario dos exames podedes encontralo no anexo III do documento da CiUG sobre a matrícula na PAU: http://ciug.cesga.es/PDF/matriculaanticordpau2015.pdf 15 de xuño: Publicación dos criterios específicos de avaliación de cada materia (nos LERD, Institutos e WEB da CiUG). Son moi importantes para unha posible reclamación ás notas das probas (exposición en internet). 19 de xuño: Cualificacións provisionais da PAU, difusión a través de Internet e exposición na CiUG das actas provisionais da PAU (a partir das 20,00 horas) e envío polos responsables do soporte NERTA aos interesados, por correo electrónico, das cualificacións provisionais da PAU 20 a 23 xuño: Solicitudes de reclamación e dobre corrección das cualificacións das PAU. No caso de desacordo con algunha nota deberás valorar a conveniencia de solicitar reclamación ou dobre corrección. No seguinte enlace da CiUG tedes unha explicación do proceso e das posibles consecuencias: http://ciug.cesga.es/reclamacion.php 23 xuño: Os LERD enviarán por correo aos centros de esnsino secundario as Tarxetas de cualificación da PAU. 22 xuño ao 3 xullo: Solicitude Ordinaria de Admisión (Preinscrición) para cursar ensinanzas universitarias oficiais de Grao no SUG (Sistema Universitario de Galicia) con límite de prazas. No seguinte enlace tedes a oferta de graos universitarios nas Universidades Galegas: http://ciug.cesga.es/PDF/carteltitu2014.pdf (esta información se refire ao curso 2014/15). Proximamente sairá a oferta de titulacións e prazas para o curso vindeiro 2015/16. - Esta solicitude poderase facer a través da aplicación NERTA, non sendo preciso neste caso a entrega da mesma nos LERD (Lugares de Envío e Recollida de Documentación). É recomendable a aprendizaxe de uso do programa NERTA para facer as solicitudes anteriores: http://ciug.cesga.es/PDF/nertaalumnadoinstrucions.pdf - No seguinte enlace da CiUG tes información sobre o proceso de admisión aos graos universitarios: http://ciug.cesga.es/preins.php 26 xuño: Publícanse as cualificacións despois de resolver as solicitudes de reclamación e segunda corrección. 2 xullo: Cualificacións definitivas despois das reclamacións ao resultado da dobre corrección se é o caso. 13 xullo: - Publicación na CiUG e nos LERD das listaxes de admitidos e de espera do Primeiro Prazo de matrícula. - Exposición na Internet, ás 18.00 horas, das listaxes de admitidos e de espera do Primeiro Prazo de matrícula. - Envío do SASUGA aos interesados, por correo electrónico ou sms, do estado da súa matrícula. 1º PRAZO DE MATRÍCULA nas universidades galegas: do 15 ao 17 de xullo (ata 14.00 horas do día 17) 2º PRAZO DE MATRÍCULA nas universidades galegas: do 22 ao 24 de xullo (ata 14.00 horas do día 24) 3º PRAZO DE MATRÍCULA nas universidades galegas: do 29 ao 31 de xullo (ata 14.00 horas do día 31) O procedemento de matrícula nas universidades galegas está recollido na páxina WEB da  da CiUG: http://ciug.cesga.es/procedementoacceso.php Lugares de matrícula das tres universidades galegas: http://ciug.cesga.es/lugares.php DOCUMENTACIÓN E MATERIAL QUE DEBES LEVAR Á PROBA XERAL  .- DNI (Documento Nacional de Identidade) ou pasaporte. .- Pluma ou bolígrafo negro ou azul ESPECÍFICA DALGUNHAS MATERIAS * Para Matemáticas e Física deberán levar calculadora non programable. As táboas necesarias para resolver problemas (Matemáticas, Química) serán entregadas polo tribunal cos exames, se fosen necesarias. * Para Latín e Grego levarán dicionario. * Para o exame de Debuxo Técnico deberán levar .- Lapis ou portaminas (2H e 2B), goma, escuadra/cartabón – regra, transportador de ángulos, compás (podes levar varias minas de compás preparadas). Ademais convén levar lixa para afiar, celo para fixar o papel e debuxar mellor. Non se pode compartir o material durante os exames, tampouco o típex. INSTRUCIÓNS PARA A REALIZACIÓN DOS EXAMES DA PAU 2014 - PROBLEMAS OU DÚBIDAS .- Aos lugares de realización dos exames da PAU non está permitida a asistencia con teléfonos móbiles nin outros dispositivos electrónicos, excepto as calculadoras non programables mencionadas. O incumprimento desta norma poderá ser motivo de medida disciplinaria. .- Todos os alumnos/as deberán acudir a presentación o primeiro día ás 9:00 horas da mañá e logo presentarse á realización dos exercicios á hora convocada para cada un deles. (Ver o enlace dos horarios concretos de cada exame no páxina anterior) .- No momento da presentación, o tribunal asignaralle un posto de exame a cada alumno/a, que deberá ocupar en todas as probas. .- Ao empezar as probas, o alumnado recibirá un xogo de adhesivos de código de barrasque os identifica. Estes adhesivos non deben dobrarse nin modificarse de ningún xeito. Recoméndaselle tamén que non deixen os adhesivos nas aulas nin ao alcance de persoas estrañas. .- Os exames son anónimos e non poden asinarse nin deberán presentar marcas de ningún tipo que poidan permitir unha eventual identificación persoal. .- Ao empezar cada unha das probas se entrega a cada estudante un caderno de exame formados por dúas follas A-3 (8 páxinas de tamaño A-4) e unha cabeceira adhesiva. O alumnado pode utilizar para redactar as respostas todas as páxinas agás a primeira. Non se poderán arrincar nin engadir follas. .- O acceso ao aula de exame implica sempre a entrega obrigatoria do caderno de examedebidamente etiquetado, aínda que se deixase en branco. Os exames deberán entregárselle a un membro do Tribunal, esperando que este comprobe que se lle entrega no número e condicións debidas. En ningún caso se deixarán os exames enriba das mesas. DÚBIDAS E IMPREVISTOS Se por causa excepcional chegas tarde o primeiro día ou a algún exame, se perdes a documentación ou tes algún incidencia cos adhesivos de código de barras ponte e contacto co profesor/a do centro que vos acompañe ou co vixiante do Tribunal para comunicarlles o teu problema . RECOMENDACIÓNS E CONSELLOS PARA A PREPARACIÓN E REALIZACIÓN DA PROBA DE SELECTIVIDADE Antes da proba: .- O día antes da proba o mellor que podes facer é desconectar realizando actividades lúdicas ou de lecer (ir á praia, ao cine, facer deporte ou pasear...). .- Debes deitarte a unha hora prudente na véspera (a habitual) para chegar á proba descansado/a. .- O día anterior deixa lista e preparada a documentación e o material necesario para realizar o exame. .- Planifica a preparación da selectividade con tempo e non intentes estudar apresuradamente no último momento. .- Procura chegar ao lugar do exame con certa antelación. Deberás ser puntual, e no caso de xurda algunha incidencia allea a túa vontade, segue as recomendacións do apartado anterior. Durante a proba: .- Le sen presas as dúas probas que che propoñen en cada exame e avalía tranquilamente cal podes facer mellor. O tempo que aparentemente perdes serve para que te tranquilices evitando cambios de opción posteriores que che farán perder aínda máis tempo. .- Le ben as instrucións que vos dan para realizar as probas. .- Le ben as preguntas ou demandas para comprender exactamente o que che piden. .- É recomendable comezar o exame por aquelas preguntas e cuestións que mellor sabes. .- Se tes algunha dúbida pregunta aos profesores/as presentes. Ademais de vixiar están tamén para axudarte. .- Vixía as expresións e procura que sexan claras e coherentes cando respondas, organizando mentalmente ou mediante un esquema as ideas e conceptos que queres explicar. .- Procura escribir con letra clara e lexible para o examinador e pon atención na ortografía, na sintaxe, no vocabulario... .- Distribúe o tempo do exame calculando o que che pode levar cada exercicio e no te esquezas de deixar uns minutos ao final para repasar as túas respostas. .- Se non te chega o tempo para realizar algún exercicio, deixa anotado un esquema para que o examinador comprobe que a sabías. WEBS E ENLACES DE CONSULTA: * Páxina WEB da CIUG: http://ciug.cesga.es/index.html * Calendario oficial PAU 2015:  https://drive.google.com/file/d/0B1iSEF5D8QOgOURJdkdLSC15Ukk/view * Convocatoria matrícula selectividade xuño 2015: http://ciug.cesga.es/PDF/matriculaanticordpau2015.pdf Para ampliar a información podedes consultar as últimas entradas publicadas no blog de orientación do Castro referidas á selectividade: http://orientacastro.blogspot.com.es (etiquetas: selectividade e universidade)

CARTEL INFORMATIVO E HORARIO DA PAU 2015 - CiUG

CALENDARIO DEFINITIVO DA PAU 2015

CARTEL DA CiUG

DOCUMENTO COMPLETO

MATRÍCULA ANTICIPADA E ORDINARIA 

PAU CONVOCATORIA XUÑO 2015

HORARIO DA PAU  

Convocatoria de xuño: días 10,11 e 12  

Convocatoria de setembro: días 16,17 e 18 

ENSINANZAS ARTÍSTICAS SUPERIORES - ACCESO E ADMISIÓN CURSO 2015/16

    A Consellería de Educación ven de publicar no (D.O.G.) Diario Oficial de Galicia as instruccións para o acceso e admisión do alumnado a diferentes ensinanzas e estudos superiores de Ensinanzas Artísticas para o curso 2015/16.

    O alumnado deberá ter o título de bacharel ou equivalente e realizar as probas específicas correspondentes a cada tipo de ensinanza artística superior.  A continuación están recollidas as instruccións para a incripción e realización das probas para o acceso a estes estudos no curso 2015/16.

 
    Por si queredes informarvos previamente das ensinanzas artísticas que se imparten en Galicia, dentro do blog tedes a información recollida no seguinte acceso: ENSINANZAS ARTÍSTICAS GALICIA.

ENSINANZAS SUPERIORES DE ARTE DRAMÁTICA VIGO Requisitos de acceso: Estar en posesión do título de bacharel ou equivalente e superar unha proba específica de acceso. Prazo de inscrición para realizar a proba específica: do 28 de abril ao 16 de xuño de 2015 na secretaría da Escola Escola de Arte Dramática de Vigo.  As probas específicas comezarán o día 22 de xuño conforme ao calendario que se estableza na Escola Superior de Arte Dramática de Vigo * Resolución DOG coas instruccións para acceso e admisión

ENSINANZAS SUPERIORES DE CONSERVACIÓN E RESTAURACIÓN DE BENS CULTURAIS PONTEVEDRA Requisitos de acceso: Estar en posesión do título de bacharel ou equivalente e superar unha proba específica de acceso. Prazo de inscrición para realizar a proba específica: do 27 de maio ao 9 de xuño de 2015 na secretaría da Escola Superior de Conservación e Restauración de Pontevedra As probas específicas comezarán o día 23 de xuño conforme ao calendario que estableza a comisión de acceso da Escola Superior de Restauración e Conservación de Bens Culturais. * Resolución DOG coas instruccións para acceso e admisión

ENSINANZAS SUPERIORES DE DESEÑO Requisitos de acceso: Estar en posesión do título de bacharel ou equivalente e superar unha proba específica de acceso. Prazo de inscrición para realizar a proba específica: do 28 de abril ao 28 de maio de 2015 na secretaría da Escola de Arte e Superior de Deseño de Galicia elixida en primeira ou única opción. Para consultar a oferta de titulacións nas diferentes Escolas de Deseño de Galicia consultar o seguinte enlace: Oferta titulacións nas Escolas de Arte e Deseño. As probas específicas de acceso levaranse a cabo o día 19 de xuño de 2015 na Escola de Arte e Superior de Deseño Pablo Picasso a Coruña. * Resolución DOG coas instruccións para acceso e admisión

    O alumnado que NON estea en posesión do título de bacharel ou equivalente, e que cumpra 19 anos en 2015, deberá realizar ademais da proba específica correspondente, unha proba de coñecementos.

   

    Prazo de inscrición para realizar a proba de coñecementos: do 28 de abril ao 28 de maio de 2015 na secretaría de calquera dos centros que imparta Ensinanzas Artísticas Superiores.

    A proba de acceso realizarase o día 5 de xuño, ás 9,00 horas, no IES As Fontiñas de Santiago de Compostela.

* Resolución DOG coas instruccións para a inscrición e realización da proba 

CONVOCATORIA AXUDAS MUNICIPAIS EN VIGO PARA LIBROS E COMEDOR NO CURSO 2015/16

Convocatoria para la concesión de ayudas municipales libros y comedor para alumnos/las de Centros docentes públicos y privados concertados de infantil (2ª etapa), primaria y secundaria cursos 2015-2016

Plazo de presentación de solicitudes:

Inicio: 17/04/2015

Fin: 11/05/2015

Convocatoria

• Plazo solicitudes: 17/04/2015 - 11/05/2015

Documentación

• Bases reguladoras (14/04/2015).
• Impreso de solicitud (14/04/2015).

CONVOCATORIA PROBAS FÍSICAS ADMISIÓN GRAO DE CIENCIAS DA ACTIVIDADE FÍSICA E DEPORTE - UNIVERSIDADE DE VIGO (Campus Pontevedra) - CURSO 2015-16

     

Video Demostrativo das Probas Físicas de Acceso ao Grao en CCAFD de Pontevedra

     Para acceder ao Grao de Actividades Físicas e Deporte que se imparte na Universidade de Vigo (campus de Pontevedra) - ou na Universidade da Coruña (INEF) - ademais de aprobar a selectividade, é necesario superar unhas probas físicas de aptitude.

Na WEB da Facultade de Ciencias de Educación e do Deporte xa están publicadas as datas de solicitude e do día da proba:

                     - Presentación de solicitudes ata o 15 de maio.

                     - Realización das probas físicas o 17 de xuño.

   Nos enlaces seguintes tedes toda a información para consultala ou descargala: convocatoria, regulamento das probas, modelos de solicitude e procedemento de pago.

.- Convocatoria Probas de Aptitude para o acceso ao Grao en Actividade Física e do Deporte - 2015/16

.- Reglamento Pruebas Aptitud Física en Castelán

.- Regulamento Probas Aptitude Fisica en Galego

.- MODELO_DE_SOLICITUD_EN_CASTELLANO

.- MODELO_DE_SOLICITUDE_EN_GALEGO

.- Procedemento_pago

    Nunha entrada anterior deste mesmo blog do día 10/3/2015 tamén tedes información sobre a convocatoria para realizar as probas de aptitude física para o Grao de Actividades Físicas e do Deporte do INEF da Coruña: PROBAS INEF CORUÑA 2015 

NOTA: para calquera dúbida ou para obter máis información poñédevos en contacto co orientador. 

INMERSIÓN LINGÜÍSTICA VERÁN 2015 PARA 1º/2º ESO - BECAS

    O martes 31 de marzo de 2015 publicouse no B.O.E. (Boletín Oficial del Estado) unha resolución do 17 de marzo da Secretaría de Estado de Educación, Formación Profesional y Universidades, pola que se convocan axudas para participar nun Programa de Inmersión Lingüística en inglés en colonias de vacacións para o verán de 2015.
    

REQUISITOS XERAIS DOS SOLICITANTES:

    Poderán participar os alumnos/as de primeiro e segundo de ESO que reúnan as siguientes condicións:

PARA ALUMNADO DE 1º ESO

.- Deberán estar matriculados en centros sostidos con fondos públicos durante o presente curso 2014/15

.- Ter obtido, como mínimo, "notable" na nota media do curso 2013/14 (sexto primaria).

.- Ter obtido, como mínimo, "notable" como nota final na materia de inglés no curso 2013/14  (sexto primaria).

.- Non ter disfrutado destas axudas en cursos anteriores.

PARA ALUMNADO DE 2º ESO

.- Deberán estar matriculados en centros sostidos con fondos públicos durante o presente curso 2014/15

.- Ter obtido, como mínimo, "notable, 7" na nota media do curso 2013/14.

.- Ter obtido, como mínimo, "notable, 7" como nota final na materia de inglés no curso 2013/14.

.- Non ter disfrutado destas axudas en cursos anteriores.

    O programa se desenvolverá dúas quincenas:
- O primeiro turno do 28 de xuño ao 12 de xullo para o alumnado de 1º ESO.
- O segundo turno do 12 de xullo ao 26 de xullo para o alumnado de 2º ESO. 

    O prazo de presentación de solicitudes é de 15 días hábiles a partir do 1 de abril (día seguinte da publicación da resolución).

     Nos seguintes enlaces se pode obter máis información sobre a dotación e carácter das axudas e outros aspectos da convocatoria. Tamén están os enlaces a páxina do ministerio para formalizar as solicitudes e seguir a súa tramitación. 

.- DOCUMENTO OFICIAL COMPLETO B.O.E. DAS AXUDAS

.- MÁIS INFORMACIÓN E ACCESO Á SOLICITUDE ON LINE

PRIMEIRO ESO

SEGUNDO ESO