A continuación tedes unha excelente páxina web para identificar, coñecer e traballar os riscos na rede con nenos e adolescentes:
Esta WEB, elaborada por Víctor Cuevas e Antonio Matos, ofrece documentación, materiais e diversos recursos informativos e didácticos para traballar o concepto de identidade dixital e fomentar o bo uso das redes sociais entre adolescentes.
A identidade dixital é o rastro ou pegada que todos os usuarios de internet deixamos na rede como consecuencia da nosa relación con outros usuarios ou coa xeración de contidos e comentarios.
Se temos buscado o noso nome algunha vez en google, ou noutros buscadores, encontraremos información sobre nós mesmos que algunha vez temos publicado. Tamén é posible que atopemos información nosa que outros usuarios teñen “colgado” ou subido na rede: fotos, vídeos, comentarios en blogs, foros e outras redes sociais, traballos publicados... Información que ás veces non quixéramos que fora accesible a todo o mundo.
Resulta complicado evitar que non exista rastro persoal en internet. Unha información que ten distintas procedencias:
- Contidos dixitais como fotos en diferentes redes sociais, vídeos, presentacións subidas en diferentes lugares, documentos publicados en webs e/ou blogs personais...
- Perfís persoais en redes sociais como faceboock, twitter, tuenti.. ou profesionais como linkedin...
- Comentarios en blogs, foros, redes sociais, youtube, vebs, portais....
- Contactos nas redes sociais cos amigos, profesionais, como seguidores...
- As direccións de correo electrónico.
- A mensaxería instantánea.
Algunhas persoas temen pola súa privacidade e son contrarias a estar nas redes sociais. O importante é saber que o perigo non está no medio, os riscos están no uso que se faga de internet e das redes sociais. Por tanto é necesario seguir unhas normas claras de comportamento das que todos e todas somos responsables.
EL ADIVINO DE LAS REDES SOCIALES
No hay comentarios:
Publicar un comentario